"حكاية شعب" شعر بالعامية

بقلم : محمد غالى

"حكاية شعب"

شعب اتولد جوة البلد
فيها شرب فيها عطش فيها اتجلد
شعب ثار شعب اتنكس
شعب انتصر شغب اتخرس
ثلاث عقود ياخد وعود
صبر كتير لما اتخنق قام وانفجر
الظلم زاد هز البلاد الشعب ثار
اتهان كتير نزل التحرير
الشعب ثار هتف وقال
الظلم لأ دا العدل حق
لأ مش هنام لأ مش تمام اسقاط نظام
كرامتى فين اشكى لمين
عايش حزين اتهان كتير جوة الكمين
وقف خلاص والوقفة بجد
أرواح وهتاف نظام اتهد
الوعى زاد والحق عاد
وقف يكمل ضد الفساد
ازاى اعيش اعلام مفيش
كدب وتضليل تلفيق تزوير
يالى ساكت قوم وشارك
حق بلدك هو حقك
يلاقوم ارمى الهموم
اكتب تاريخ بلدك بإيدك
وبكره يبقى اليوم ده عيدك
الثورة مش فى يوم وليلة مصر دى بلد ثقيلة
حواليك كتير مستنين
هولهم هتبقى مين
هى دى حكايتك انت
لسه واقف زى ما انت
يلاقوم يا شعب مصر
عرفتهم معنى الحضارة
شوف تاريخك والعمارة
دلوقتى قاعد جوة حارة
علموك تشرب سيجارة
يلا قوم بنبنى مصر يلا قوم بنبنى مصر

بيان المجلس العسكرى 13/7/2011

(انفراد) فيديو لحبيب العدلى من داخل القفص اثناء محاكمته من الاعلامى وائل الابراشى

اغنية قلة مندسة روعة الثورة

حلوة بلادى السمرا

اللى بنا مصر كان فى الاصل حلوانى(كلمتين وبس)

بقلم / محمد غالى

اللى بنا مصر كان فى الاصل حلوانى

الكلام على الرئيس المخلوع  , هل هو بنى مصر ؟!  , طيب كان حلوانى ؟!

متستغربش اوى كده مبارك كان حلوانى كبير اوى, يمكن اكتر من 20 سنه خبرة , كان بيقطع اكبر تورته ممكن تشوفها فى حياتك , اللى هي ثروات مصر وكان معاه صبيانه , اللى كان فى نيته  يورثهم المهنه , بس ياترى مين اكتر ناس أكلت من التورته دى ؟, اكيد طبعا هو وصبيانه وكمان الاجانب كان لهم نصيب كبير وابرزهم اسرائيل والخدمات اللى قدمها المخلوع لاسرائيل طبعا غاز وكهرباء , واسرائيل نورت بفلوسنا ومصر نورت بأهلها الطيبين الغلابة زى ما قال عمرو عبد الجليل فى فيلمة الاخير"صرخة نملة" والمستثمرين اياهم بتوع مصالحهم  مش لاقيين التورته بعد ما الشعب اجبر مبارك ع الاعتزال مبقاش لهم عيش فى مصر وزى ماشوفنا رجال الاعمال اللى خلعو على اول طيارة  ومبيعات الاجانب فى البورصة اللى وصلت 3 مليار جنيه وكل اللى كانو مستفيدين من مبارك الارض انشقت وبلعتهم  , وفى اللى هربو برا البلد زى حسين سالم وبطرس غالى,  واللى غايظ الشعب اننا عارفين هم فين والحكومة مش قادرة تقبض عليهم  ويقولك اتفاقيات ومصدق عليها من النظام السابق  الظاهر ان مبارك كان مأمن نفسة وصبيانه كويس  وكان بيقطع التورته باحترافية والبلد مش فى اعتباره البلد اللى قال حاربت من اجلها وسأموت فيها  صحيح

 " اللى بنا مصر كان فى الاصل حلوانى "

****

بس مش كل حلوانى هيبنى مصر