قصة قصيرة تنتهى بندم
*****************************
وانا راكب الميكروباص قعدت جمب شيخ بدقن كدة و شكله راجل محترم جدا
... قالى مش تقول سلامو عليكو يا اخى
قولتله لمؤخذا يا حج سلامو عليكو
قالى و عليكو
قولتله مش تكمل باقى السلام ثوابك يكون اكبر
قالى ماشاء الله مانت عارف اهو .. قولى بقى
قولتله بقى
قالى انت هتنختب مين ؟؟
قولتله والله يا حج لسة مش عارف .. انت هتنتخب مين؟
قالى حزب النور ماشاء الله عليهم
قولتله ممم انا لسة مقررتش
قالى متنتخبهم لو لسة متعرفش
قولتله اشمعنا
قالى ناس عاقلة وواعية وكمان مطيعين لله سبحانه و تعالى
قولتله امال انا ليه سمعت انهم بيوزعه اكل وفلوس وبيستغلوا الدين للوصول لمصالحهم
قالى ايه الكلام الفراغ ده مين قال كدة !! بالعكس الاكل والفلوس دى زكاه لله
قولتله امال بعد الانتخابات بتروحوا فين ؟؟
قالى لو نجحنا بنحاول ننفذ مطالب الشعب بقى
قولتله ممم طب يا حج انت نازل فين؟
قالى مدرسة الجاية دى هروح انتخب تعالى معايا
قولتله لالالا انا مروح
قالى انت مش هتنتخب برضه
قولتله لا
قالى هتدفع غرامة
قولتله يا عم انا هلم من كل الاحزاب فلوس ومنتخبش والفلوس اللى لمتها هدفعها غرامة
قالى براحتك
قولتله اشطا
قالى مع السلامة يا اخ ؟؟
قولتله جرجس
قالى احم سلامو عليكو O__O
