الأسلام هو الحل .. صوتك لمن يرعى الصليب
توضيح للبوست اللى فات .....
احنا نزلنا الصورة ليس دعما للشعار ولا انتقادا للكنيسة
...
لان الواضح ان الصورة ملهاش اى تواجد غير على الفيس بوك واللى عملها واحد هدفى يا اما يوقع الكتلة المصرية بعمل فتنة او عملها بسذاجة مبالغ فيها
ومن الواضح ان الكنيسة ملهاش اى علاقة بالصورة دى نهائيا
كان الهدف من رفع الصورة هو انتقاد شعار " الأسلام هو الحل " أو " حزب النور على طريق الجنة "
لان ببساطة لو فرضنا جدلا مجرد فرض ان الشعار ده حقيقى واترفع فى الكنيسة او الكنيسة وزعت قوايم على المسيحين وده طبعا محصلش
فمش من حق اى حد انه يسأل الكنيسة رفعت الشعار ده ليه او عملت كده ليه
لان ببساطة الموضوع مش حلال عليك حرام على غيرك وزى ما رفعت شعار دينى لانك بتغير على دينك ويهمك مصلحته هما كمان بيغيرو على دينهم ويهمهم مصلحته
خلاصة القول ان السياسة لا دين لها
الشيخ الشعراوى قال : " اتمنى ان يصل الدين لاهل السياسة .. ولا يصل اهل الدين للسياسة
فان كنتم اهل دين .. فلا جدارة لكم بالسياسة .. وان كنت اهل سياسة فلا حرج على دينى الا انتخبكم "
كل من يقول لك الأسلام هو الحل او صوتك لمن يرعى الصليب ما هو الا ذو قلب خاوى وعقلية صفرية لم يوفقه تفكيره وعقليته المحدودة الا باستغلال عواطف دينية وحاجات مقدسة علشان كرسى فى البرلمان
لا جدال ان الأسلام هو الحل .. لكن المشكلة فيك انت
صوتك لحزب النور مش هيدخلك الجنة
صوتك للكتلة المصرية مش هيدخلك النار
وصوتك لحزب الوفد مش هيروح لسعد زغلول
