انا مصرى بس مظلوم يمكن اطلع من الهدوم
ازاى اسيب البلد واتغرب واروح لبعيد
مش فى ثورة وامل وشروق لفجر جديد
محتاجة جهد وعمل عشان دم الشهيد
ضحى ووفى وصمد بقى يوم وفاته عيد
ازاى ارحل واسيبها طول عمرى بعشق ترابها
فيها اتربيت وكبرت وبين ربوعها سافرت
ايوة اتظلمت كتير ما بين ظابط وغفير
اخيرا هيرجع حقى بعد الثورة وتغيير
دا انا ياما اتقفل بؤى وسكت سنين كتير
مش عارف اخد حقى الا برشوة وتزوير
نادولى وقالو انزل نجيب حقى وحقك
صرخت وقولت ارحل وسيبها انت من نفسك
اتمرد وعاند وفكر بحديد ونار يخضك
هنفضل على الحال ده كتير؟ طب امتى هيحصل تغيير؟
قولنا هنقعد كام يوم لا فكرنا فى اكل ولا فى نوم
وقفتنا خلاص جات بنتيجة والحلم خلاص بقى حقيقة
وحياة شمسك وهواكى والله ما دوقت الكنتاكى
ياسلام على نيلك وسماكى والخير المدفون جواكى
هقوم خلاص ازرع واصنع واللى يقربلك بالمدفع
ياما نفسى بقى فلوسك ترجع وابنى على ارضك كام مصنع
فى العالم اسمك بقى يلمع فى اى مكان كنت اسمع
ده يقول مصر وده يقول ايجبت علشان خاطرك روحت وجبت
بتاع ايه ده اللى اسمه النت وعملت حسابى على الفيسبوك
وعشان خاطرك عملولى بلوك عشان فى حقك كنت بلوك
لقونا كتير عاوزين تغيير قالو خلاص على النت نسك
بالزمة بقى ده اسمه كلام بقى بعملتكم خلاص هننام
فضلنا سنين قاعدين ساكتين خلاص ده قرارنا ومش راجعين
